Ayon sa World Bank, 25% lamang ng mga mayor de edad na Pilipino ang may kaalaman sa mga pangunahing konsepto sa finance. Ang Pilipinas naman ay ika-30 sa ranggo mula sa 144 na bansang na-survey sa financial literacy, ayon sa Standard & Poor’s Global Ratings. Talaga namang kapuna-puna ang kakulangan sa kaalaman ng mga Pilipino tungkol sa financial literacy.
Para sa mga mag-aaral na katulad ko, dapat ding maging mandatoryo ang pagtuturo ng financial literacy kagaya lamang ng mga karagdagang kursong Disaster Risk Management at Media and Information Literacy sa K-12 Basic Education Program. Dahil ang bawat Pilipino ay may karapatan sa libre at accessible na edukasyon, dapat natin asahan na maging accessible din sa atin ang kursong financial literacy.
Ngunit bakit wala pa ring financial literacy at financial freedom na itinuturo sa mga estudyante? Malabong hindi agad nakita ng mga institusyong pang-edukasyon ang kahalagahan ng pagtuturo nito sa bansang Pilipinas, kung saan tumaas na sa 5.6 milyon na mga Pilipinong pamilya ang nasa poverty line. Ang DRRM ay naglalayong magturo kung paano manatiling ligtas sa natural calamities, habang ang MIL ay nagtuturo ng pag-aadapt sa modern technologies.
Nasa daan nagwewelga. 💛